No går vi ei ny sesong i møte, og framfor oss ligg mange viktige og spanande dugnadsaktivitetar som skal gjennomførast i løpet av 2026.
Dugnaden er sjølve fundamentet i laget vårt – det er gjennom felles innsats vi tek vare på anlegget, tryggleiken og trivselen for alle medlemmar.

Styret og bryggesjefane har sett opp ein plan for vedlikehald og utbetringar i hamna, på bryggene, ved slipp/vinsj, i bua og elles på området.
Mange av tiltaka eignar seg svært godt for dugnadsinnsats, og vi håpar flest mogleg har lyst og høve til å bidra.

Vi oppmodar alle medlemmar til å ta ein gjennomgang av aktivitetane som er planlagde for sesongen.
Dersom det er éin eller fleire aktivitetar du kunne tenkje deg å delta på,
er du hjarteleg velkomen til å ta direkte kontakt med den ansvarlege for aktiviteten. Om du kan bidra mykje eller lite – all innsats er verdsett.

Vi ønskjer med dette å informere om at Geir Skaaden har valt å fratre som bryggesjef for B-brygga i Sandane Småbåtlag.

Sandane Småbåtlag vil rette ei stor takk til Geir for innsatsen og arbeidet han har lagt ned som bryggesjef.

Vidare kan vi opplyse om at Rolf Tennebø tek over rolla som bryggesjef for B-brygga.

Vi takkar Geir for godt arbeid, og ønskjer Rolf lukke til i den nye rolla.on goes here

Årsmøtet vart halde 1. mars 2026 på Strandtun, SFE i Bukta kl. 19.00, Til stades: 14 medlemmar 

Styret held fram uendra også komande periode. Alle som stod på val tok attval, og det kom ingen benkeforslag under valet. Dermed held laget fram med same styresamansetning som før.

Det vart vidare vedteke å auke hamneleiga frå 2000 kr/år til 2500 kr/år. Bakgrunnen er at fleire brygger nærmar seg 50 år, og laget står framfor større kostnader til vedlikehald og mogleg fornying i åra som kjem. Auken skal bidra til å sikre nødvendig økonomi for desse tiltaka. Medlemskontingenten blir ståande uendra på 1000 kr/år.

Laget har òg valt å seie opp avtalen med rekneskapsførar. Dette skuldast ein markant auke i honorara, som gjorde løysinga vesentleg dyrare enn tidlegare. For å redusere driftskostnadene vil laget no føre rekneskapen sjølv framover.

Har du spørsmål eller ønskjer meir informasjon, er du velkomen til å ta kontakt.